He aitua! Kua mate a Meagan Joe, Maori Womens Welfare League

1
151

He aitua! He aitua!

Oioi te whenua! Oioi te po! Oioi te ao!
Takiri manawa ki runga ki te rangi!
Takiri manawa ki raro ki te whenua!
Ki te ara whano ki te po!
Te po nui! Te po roa! Te po kerekere!
Te po tiwhatiwha! Te po matirerau!
Te whaiwhai ariki!
Ka maranga ki runga o Ranginui, o Rangiroa, o Rangiwheturau!
Takoto mai ra i roto i to whare taua!
Ka mokaia nga tai mihimihi, ka pania te iwi e!

Kua mate ra a Laurice Meagan Joe, te perehitini o Te Roopu Wahine Maori Toko i Te Ora. Kua roa e pangia ana e te mate, a no te weherua i huri atu ai ki Hokinga-kore-ki-muri te hoki mai an? ai.

I whanau mai a Laurice (Meagan) Joe i Ahuriri. Ko nga hapu o tona papa a Dennis Henare Joe, ko Ngati Pahauwera, ko Ngati Te Kohera (Ngati Tuwharetoa) me Ngai Te Mahurehure (Tuhoe). Ko tona mama a Te Maari Joe, no Ngai Tai ki Torere, Ngati Hikairo (Ngati Tuwharetoa), Ngati Hineuru ki Te Haroto me Ngati Hinepare ki Moteo.

I tipu mai a Meagan i Moteo. Ka whitu tona pakeke, ka nuku mai tona whanau ki te taone o Otatara nei noho ai. I kuraina a ia i te kura o Taradale me te kura tuarua o Hukarere. Mutu ana, ka haere ia ki Akarana ki Ardmore Teachers College, a, ka tu na hei kaiwhakaako, ara, i Poneke, Pamutana, Waiouru, i roto tonu o Ahuriri nei me Singapore, i te New Zealand Forces School.

Kotahi tau te roa o tana noho hei kaiarahi mo nga mahi o te Roopu Wahine Maori Toko i te Ora. Mai i tera, ka meatia na hei Maori Advisor Inclusive Services Special Education. No muri mai, ka riro i a ia te turanga, Pouwhakataki mo te Tahuhu o te Matauranga.

No te tau 2002, ka tohua a Megan kia noho hei kaitakawaenga mo Te Roopu Wahine Maori Toko i te Ora, mo te takiwa o Ikaroa. Ka hipa te toru tau, a, ka tu na hei Vice President mo nga tau e toru. Ka haere, a, no te 2008, ka meatia ia hei Perehitini a-Motu mo Te Roopu Wahine Maori Toko i Te Ora. Ko ia ra tena i te wa nei, a, tae noa ki ta ratau hui a-tau ki Ahuriri nei hei te mutunga o tenei tau.

No te tau 2009 a Meagan i tau mai ai ki Ngati Kahungunu Iwi Incorporated ki te whakakaupapa i te turanga Kahungunu Cultural Standards. He tunga ra tenei, he mea whakamana tahi e Te Tahuhu Matauranga raua ko Ngati Kahungunu Iwi Inc. Koinei te Kahungunu Cultural Standards Project, ara, hei whakatutuki i nga whainga o te Iwi, ara, kia noho tonu ko nga hitori, ko te ahurea, ko te reo Maori me nga tikanga o Ngati Kahungunu tonu hei tahuhu mo nga mahi ako i nga kura kohungahunga me nga kura auraki o te rohe. Ko tona kaupapa, kia angitu a tatau tamariki Maori i roto i nga mahi matauranga, a, kia ekea hoki nga taumata e tika ana. E te tuahine, e te pakihiwi kaha, kare i arikarika nga mihi.

[sws_divider_line]

Sadly Meagan Joe, the President of the Maori Womens Welfare League has passed away. She has long been sick and passed away in the early hours of this morning.

Laurice Meagan was born in Napier in 1953. She is of Ngati Pahauwera, Ngati Te Kohera (Ngati Tuwharetoa), Ngai Te Mahurehure (Tuhoe), Ngai Tai ki Torere, Ngati Hikairo (Ngati Tuwharetoa), Ngati Hineuru ki Te Haroto and Ngati Hinepare ki Moteo descent.

Meagan was raised in Moteo, Hawkes Bay. When she was seven years old her whanau moved to Taradale where she attended Primary School and later Hukarere Maori Girls College. She went on to train to become a teacher at Ardmore Teachers College. She taught in Wellington. Palmerston North, Waiouru, Napier and in Singapore at the New Zealand Forces School.

Meagan worked extensively in the Maori Womens Welfare League. Her roles included Maori Advisor Inclusive Services Special Education. She was later employed by the Ministry of Education as the Pouwhakataki mo te Tahuhu o te Matauranga.

In 2002 Meagan was nominated as the Ikaroa delegate for the Maori Womens Welfare League. She became the Vice President for three years and in 2008 she was elected National President of the Maori Womens Welfare League. Her three year term was due to end in August 2011.

In 2009 Meagan was seconded by the Ministry of Education to Ngati Kahungunu iwi Incorporated to develop and manage the Ngati Kahungunu Cultural Standards (KCS) project. The aim of the project is to strengthen the relationship between main stream schools and local hapu to ensure local hapu knowledge is embedded in school curriculums. The KCS Project enhances Maori Education success. Meagan worked tirelessly toward the aims and goals of this project right up to the time of her passing. She will be greatly missed.

Meagan will arrive at Pukemokimoki at 2pm Wednesday 27th July where she will remain until Friday noon. On Friday 29th July Meagan will be taken to Waipapa-a-Iwi Marae, Mohaka, where she will be buried at 11am Saturday 30th July 2011.

Ka waiho ake ra ma tenei waiata i titoa mona hei whakatepe i enei mihimihi ki a ia:

This song was composed especially for Meagan.

Tera te ra te kokomea

Ka hoki ana ki te rua

Pukatokato te ao

Tiaho mai a Rehua

Kia ui noa ake te ngakau?

He aha nou? He aha nou?

Aue te uruparetia!

Waiwai ana nga karu

I te tirohanga atu

Tangata akona i te kainga

Tu ana ki te marae – tau ana

Kua kore ra to momo

Tuwhitia te hopo!

Aue, me aha ra?

Ko koe he wahine marae

He wahine rerehua

Te kitea ano ai

Puritia nga rau mahara

Ina huri to waka

E kore ra e mokemoke

Aue, he ao ano kei tua!

Ma te wa ano tatau

E tutaki ano ai

Ehara tenei i te haere ra

Kia ki noa ake hei raurangi

Tauhokaitia ana

Ki reira taukapo mai ai

Aue, hei raurangi e!

1 COMMENT

  1. Hemi Rau is a GUILTY Traitor! In the old days he would have been beheaded for these crimes against the KINGSHIP. Tainui dont want him so hes pushing his Tau iwi kaupapa in Otakanini Ngati Whatua. Hemi Rau is Tau Iwi orientated and cares only for MONEY. The people are irrelevent and he will spend every cent he can get his hand on, in the courts to further his GREED motivated Ideology. It is great the Tuku Morgan is a strong man and was not phased by the blind greed that Hemi Rau was trying to impose upon Tainui.
    I worry for the future of our Whanau and Whenua in the Kaipara ki te Tonga Rohe.
    Ngati Whatua ki Kaipara is under seige with this Bull head Hemi Rau at the Helm, Current Chairman of the Otakanini Topu incorporation. He has bought all his Tainui Commercial contacts such as MIGHTY RIVER POWER and railroaded all these windmills with basic to no consultation with the people. We have no resource such as Tainui, to Take this clown to court and make him accoutable. Help us Tuku Morgan, you know his colours. Investigate MIGHTY RIVER cause they are in his pocket, We are doomed without yous!! If he is like this with his fathers people TAINUI! Please spare US, His MOTHERS people, Ngati Whatua tuturu

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.