He Aitua: Te Kauhoe Wano

7
88

He aitua. Tena koutou e nga rangatira, hoa mahi, whanaunga hoki. Kua mate a Te Kauhoe Wano.

It is with great sorrow that we inform you all that our whanaunga, friend and workmate Te Kauhoe Wano has died.

He was taken to the Waitakere Funeral Home on Friday and returned home to Parihaka immediately after the service. Ka nui te aroha ki tona whanau. Moe mai e te whanaunga, te hoa e te rangatira hoki.

Na Ratu Tibble tenei poroporoaki:

Moe mai ra Te Kauhoe, waiho ko to reo e papaho nei e pakopako nei huri noa i nga maunga o Tama ki Makaurau kia tau ai te rongo ki runga i a maunga Taupiri, te pae ki Pirongia , ko Kakepuke ki Kawhia Moana takahia te huarahi, ko Hoturoa ki Waikato kia titaha ake to haere ki runga i a Tongariro ki Ruapehu, ki Ngauruhoe whanaia ai ko Taranaki maunga tena, whakatatare atu ai ki Parihaka ki raro ra ko Te Whitiorongomai ko Tohu Kakahi ena. Ko Te Korimako o Taranaki ano ki raro ra, ko te titohea Taranaki, kauria atu te Moana Nui a Kiwa kia kake ake koe ki te huinga o te kahurangi, ki te putake o Rehua mai i te Rerenga o Wairua … te ara i takina e o tatau matua tupuna, haere hoki atu ki a ratau ma.

He tohunga reo kua ngaro atu ki tua o te arai, he waha korerorero no te Tangata Whai Rawa o Weneti, he reo i rongona e te rangatahi he reo i rongona whanuitia i Aotearoa … haere hoki atu ki a ratau ma …Ko Ta Paora Reeves tena, ko te Miringa Hohaia tena, ko Don Selwyn tena a ra noa atu ratau.

E kore ra to reo e ngaro he taonga i tukuna mai i Rangiatea, he reo i tuia ki nga mahi papaaho.

Moe mai i to moenga roa

7 COMMENTS

  1. What a sad loss for whanau, Maori TV and the surfing community. Kia kaha TK, keep riding those heavenly waves.

  2. Kua mokemoke te maunga titohea, ko nga kapua pouri hei parekawakawa. Aue, te ngau o te mamae! Kua hinga koe Te Kauhoe, kua pani matou i te koraha. Maku tonu te ki atu, te taea te paku aha tenei pukatokato e ngau kino ana nei. No reira, takoto mai i te poho o to whanau e tangi hotuhotu nei ki a koe. Moe mai ra, haere atu ra ki te Po okioki ai.

  3. he aitua tino pouri maku e hoa. haere koe i nga ringaringa o te Atua.
    tino pouri marika ahau. i maumahara te wa i tutaki koe i a Pirihira to wahine, e kore au e wareware na te mea e piri tata ahau i a korua i te Kuramatatini O Taranaki. i maumahara hoki to mahi Maori i te reo irirangi o Taranaki, he tauira ahau i aua wa. i maumahara koe nga wa i tango koe he MDO mo to surfing. hehehehe Pai cori Te kauhoe he tutu koe i aua wa he tutu marika.
    koira taku maumaharatanga e koe Te Kauhoe. e kii ana koe me nga haututu, me nga hari, nga mea pai katoa.
    Moe mai i roto i to moengaroa.
    Na Piaterihi Watene

  4. E te manu taik?, e te manu t?t?riki.
    Kua kore t? reo e kawekawea ana e ng? hau o T?whiri.
    E tangitangi ana te tini ? T?ne m?u kua ngaro r?.
    Kua wahang? t? reo ketekete, kua m? te reo k?rihi o te manu n? raro mai i te maunga t?tohea.
    Kua k?kahuria t? maunga i a koe, e taku pikik?tuku.
    E kore t? reo e p?ohotia, engari waiho m? ng? kupu k?rero e ea ai a mamae m?u kua riro.
    Kakea t? papa-reti, ekengia te ngaru e kawe atu r? i a koe ki ? r?tou e te aum?ngea.
    Waiho m?tou kia tangi noa ki muri nei.
    E taku ariki, moe mai, moe mai, moe mai r?…

  5. Haere atu ra koe e te totara haemata o Taranaki,
    Kua tanuku te tihi o Taranaki i to ngarohanga.

    Hoki atu ra ki nga maunga whakaruruhau kia purea e koe i nga hau wairua o Tawhirimatea, hoki atu ra koe ki tua o pae maumahara.

    Haere, Haere, Haere atu ra e Te Kauhoe
    Haere atu ra

    Kua mahue mai nei koe e to hoa rangatira, kua mahue mai nei koe i o tamariki mokopuna.

    e Te Kauhoe whakangaro atu ra kia ratou ma
    Haere
    Haere
    Haere atu ra

    Nga Mihi no te whanau o Te Wharekura o Tauranga Moana.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.